حبيت نتطرق الى موضوع مهم للناس اللي يخدمو تجارة الكترونية بصح عندهم مشكل مع شركات النقل (لازم سجل تجاري)
المشكل انو باش دير سجل تجاري الناس تشوفها حاجة كبيرة،
نعم لازملك سيارة أو محل تجاري، وهذو كاين الناس ما تقدرش توفرهم
عندي حل هايل بلا ما توجع راسك وبلا ما تحلل الناس ولى تحشمهم
كاين سجل تجاري خدموه لهذه الفئة، الحاجة لمليحة أنك تقدر تبيع به واش تحب، وما تحتاج لا سيارة تجارية ولا محل تجاري أو قاعدة تجارية
هذا السجل يكفي تديرو في مقر السكن ديالك، شهادة أقامة و أنت فريتها، نعم هذا ماكان...
أسم هذا السجل و الرمز ديالو : ( تجارة بالتجزئة لكل أنواع المنتجات بالمراسلة أو إلى غاية المنزل ، رمز 511146)
باش تدير هذا السجل تقرب إلى مصلحة السجل التجاري في مدينتك، هوما يوجهوك (عندك 4000دج تخلصها عند مصلحة الضرائب وحوالي 3000دج في البنك، يمدولك ورقة باش تخلص في البنك، تدي معاك ملف اللي هو شهادة إقامة و formulaire تحمل من الموقع ديالهم ..)
بالنسبة للضرائب كل واحد يخلص على حساب رقم الأعمال في السنة، أو حسب التصريح برقم الأعمال (من 5 إلى 6 % من رقم الاعمال المصرح به) ، وزيد تخلص la casnons, الحاجة لمليحة أنك تولي خدام وعندك تقاعد ، وحتى تدفع فيزا رايح تلقى باش تبرر العمل ديالك
راني شرحتلكم بطريقة بسيطة وأن شاء الله نكون أفدتكم
